CIIYO 6
Ino Ncinzi Ncotwiiya Kuzambangulwe?
Leza wakabanyonyoona basizibi pele wakafwutula Nowa amukwasyi wakwe. Matalikilo 7:11, 12, 23
Imvwula yakawa mazuba aali 40 masiku amasyikati, alimwi maanzi akapaya nyika yoonse. Bantu boonse ibakali kucita zibi bakafwa.
Bangelo ibakazanga bakasamununa mibili yabuntu akuba madaimona.
Bantu ibakali mubwato bakafwutuka. Nokuba kuti Nowa amukwasyi wakwe bakazoofwa, Leza uyoobabusya kutegwa bakapone kukabe kutamani.
Matayo 24:37-39
Leza uyoobanyonyoona basizibi akufwutula bantu bacita zintu zibotu.Saatani amadaimona bazumanana kweena bantu.
Mazuba aano, bantu banji balabukaka busolozi bubotu bwa Jehova mbubonya mbocakabede mumazuba aa Nowa. Lino-lino Jehova uyoobanyonyoona boonse bacita zibi.—2 Petro 2:5, 6.
Bamwi bantu bali mbuli Nowa. Balamumvwida Leza akucita nzyabaambila. Ibantu aaba Mbaakamboni ba Jehova.