Senalh tipuxum kilhtamaku chu tipuxum katsisni. Tiyat litatsamalh chuchut chu putum tiku nitlan xlikatsikgo nikgolh.

Ángeles tiku nitlan xlikatsikgo makgxtakgkgolh xmaknikan chu tatayakgolh Satanás. La uku kalilakgapaskan demonios.

Kajwatiya lakgtaxtukgolh tiku tanukgolh kʼarca. Titaxtulh kilhtamaku, Noé chu xfamilia nikgolh, pero Dios nakamalakastakwani xlakata putum kilhtamaku nalatamakgo.

Akgskgawini chu demonios chuntiya tlawamakgo pi latamanin ni nakgalhakgaxmatkgo Jehová.

Chuna la kxkilhtamaku Noé, uku lhuwa latamanin lakgmakgankgo Jehová. Nialh makgas, Dios nakamalakgsputu tiku nitlan likatsikgo (2 Pedro 2:5, 6).

Pero na wilakgo latamanin chuna la Noé chu tlawakgo tuku kamapakgsi Dios. Wa xtatayananin Jehová.