HAP 6
Bikpela Tait—Yumi Kisim Wanem Skul Long En?
God i bagarapim ol man nogut, tasol em i seivim Noa na famili bilong em. Stat 7:11, 12, 23
Ren i pundaun inap 40 de na 40 nait, na wara i karamapim graun olgeta. Olgeta man nogut i dai.
Ol bikhet ensel i lusim bodi bilong man na ol i kamap ol spirit nogut.
Ol man i stap insait long sip, ol i abrusim bagarap. Long bihain, Noa na famili bilong em ol i dai, tasol God bai kirapim bek ol na ol inap i stap oltaim.
God bai bagarapim ol manmeri nogut na seivim ol gutpela man. Matyu 24:37-39
Satan na ol spirit nogut i wok yet long giamanim ol manmeri.
Wankain olsem long taim bilong Noa, long nau tu planti man i sakim ol gutpela tok bilong Jehova. Klostu nau Jehova bai bagarapim olgeta man nogut.—2 Pita 2:5, 6.
Sampela manmeri i kain olsem Noa. Ol i harim tok bilong God na mekim ol samting em i tokim ol long mekim; em ol Witnes Bilong Jehova.
