XIPHEMU 6
I Yini Leswi Hi Swi Dyondzaka Eka Ndhambi Leyikulu?
Xikwembu xi lovise vanhu vo homboloka kambe xi ponise Nowa ni ndyangu wakwe. Genesa 7:11, 12, 23
Ndhambi yi ne masiku ya 40 ni vusiku bya 40 hiloko mati ma funengeta misava hinkwayo. Vanhu hinkwavo vo homboloka va file.
Tintsumi leti xandzukeke ti siye mimiri ya tona ya nyama kutani ti va madimona.
Lava a va ri engalaveni va ponile. Hambileswi hi ku famba ka nkarhi Nowa ni ndyangu wakwe va feke, Xikwembu xi ta va pfuxa leswaku va hanya hilaha ku nga heriki.
Xikwembu xi ta tlhela xi lovisa vanhu vo homboloka kutani xi ponisa vanhu lavanene. Matewu 24:37-39
Sathana ni madimona yakwe va ya emahlweni va hambukisa vanhu.
Ku fana ni le nkarhini wa Nowa, vanhu vo tala namuntlha va fularhela nkongomiso wa Yehovha wa rirhandzu. Ku nga ri khale, Yehovha u ta lovisa vanhu hinkwavo vo homboloka.—2 Petro 2:5, 6.
Timbhoni ta Yehovha ti fana na Nowa hikuva ti yingisa Xikwembu ni ku endla leswi xi swi vulaka.
U Nga Ha Tsakela
BIBELE—YI TAMELE RUNGULA RIHI?
Vanhu Va Pone Ndhambi
Vubihi byi andze njhani emisaveni? Nowa u swi kombise njhani leswaku a a tshembekile?
TIBUKU NI TIBROXARA
I Mani Loyi Hakunene A Fumaka Misava?
Nhlamulo ya Bibele yi nga ku hlamarisa. Kumisisa leswaku ha yini swi ri swa nkoka naswona swi vula yini eka vumundzuku.
