Ne ‵to te vaiua i aso e 40 mo po e 40 kae ne ‵fonu te lalolagi i te vai. Ne ‵mate atu ei a tino amio ma‵sei katoa.

Ne toe ‵fuli a foitino o agelu sē faka‵logo kae ne fai ei latou pelā me ne temoni.

Ne ‵sao a tino kolā ne ‵nofo i loto i te vaka. E tiga eiloa ne ‵mate a Noa mo tena kāiga fakamuli ifo, kae ka toe faka‵tu aka ne te Atua latou ke ola ki te se-gata-mai.

Kae ne tumau faeloa a Satani mo ana temoni i te fakaloiloiga o tino.

E ‵pau eiloa aso nei mo aso o Noa. E ‵teke atu a tino e tokouke ki fakatonuga a‵lofa a Ieova. Ko pili fua nei o fakaseai ne Ieova a tino amio ma‵sei katoa. —2 Petelu 2:5, 6.

E taumafai malosi a Molimau a Ieova ke ‵pau latou mo Noa. E faka‵logo latou ki te Atua kae fai ne latou ana fakatonuga.