PARTE 6
¿Bin ya snojptesotik ta swenta te Pulemal te kʼax ta nameye?
La yichʼ lajinel yuʼun Dios te jkʼaxuntayej mantaletike, jaʼnax kolik te Noé sok te jayeb machʼatik ay yuʼune (Génesis 7:11, 12, 23)
Chaʼwinik kʼajkʼal sok chaʼwinik ajkʼabal te ma kom te jaʼale. Noj ta jaʼ te Balumilale, jich lajik spisil te chopol ants winiketike.
Te chʼul abatetik te la skʼaxuntayik mantale, la schaʼkʼatpʼun sbaik ta espíritu ta patil la stʼunik te Satanase. Ta ora ini naʼbil sbaik jich bitʼil chopol espirituetik.
Jaʼnax kolik te machʼatik ayik ta yutil arcae. Kʼalal kʼax bael te kʼajkʼale te Noé sok te jayeb machʼatik ay yuʼune lajik bael, jaʼukmeto yame yichʼik chaʼkuxajtesel yuʼun te Diose, jichme ya xkuxinik ta sbajtʼel kʼinal.
Nopolme ya schaʼlajin Dios te machʼatik chopolike sok yame yakʼbey skolelik te machʼatik lek yoʼtanike (Mateo 24:37-39)
Te Pukuj sok te chopol espirituetik yak ta sloʼlayel te ants winiketik te manchuk ya schʼuumbeyik smantal te Jehovae.
Jich bitʼil ta skʼajkʼalel te Noé, ta ora ini bayal ta jtul ants winiketik te ma skʼan ya schʼuumbeyik smantal te Jehovae. Nopolme ya slajin spisil te chopol ants winiketike (2 Pedro 2:5, 6).
Jaʼukmeto ay ants winiketik te jich stalelik te bitʼil te Noé te jaʼ ya spasik te bin ya yal te Diose. Jaʼik te testigoetik yuʼun Jehová.
Yaniwan amulan-euk sk'oponel ini
TE BIBLIA SOK TE BIN YA XCHOLE
Kolik jilel te kʼalal tal te pulemal
¿Bin utʼil noj ta bintik chopol te balumilale? ¿Bin utʼil la yakʼ ta ilel Noé te ay schʼuunel yoʼtane?
LIBROETIK SOK FOLLETOETIK
¿Machʼanix ay ta skʼab-a te balumilale?
Yaniwan xbajtʼ amulan te sujtib te ya yakʼbey te Bibliae. Ilawil te bin yuʼun te tulan skʼoplal te ya skʼan ya anaʼ stojole soknix te bin utʼil ya skoltayotik ta pajel chaʼbeje.
