ẸBẸRE 6
Die Oghwe Rode Na Yono Avwanre?
Ọghẹnẹ ghwọrọ ihwo umwemwu na ẹkẹvuọvo o sivwin Noa kugbe orua rọyen. Jẹnẹsis 7:11, 12, 23
Osio rhọre t’ason t’uvo ẹdẹ 40, ame de ku phoro otọrakpọ na ejobi. Ihwo umwemwu na eje de ghwu.
Emekashe re vwọso na de wene ugboma rayen phiyotọ ayen da rhe dia emekashe r’idẹbono.
Otu re hẹ okọ na sivwin rhọ. Dede nẹ Noa kugbe orua rọyen ghwuru ọke vwọ yan-obaro, Ọghẹnẹ cha rhoma rhọvwọn ayen rhe rhe dia otọrakpọ vẹ uphẹn rayen cha vwọ dia bẹdẹ bẹdẹ.
Ọghẹnẹ cha rhoma ghwọrọ iruimwemwu nao mi rhe sivwin ihwo ri yovwirin. Matiu 24:37-39
Eshu kugbe emekashe rọyen e je phiẹn ihwo nonẹna.
Nonẹna, kerẹ ọke ri Noa, ihwo buebun sian odjekẹ rẹ ẹguọnọ ri Jihova. Kẹrẹkpẹ, Jihova cha ghwọrọ iruimwemwu ejobi.
Ihwo evo họhẹ Noa. Ayen kerhọ rẹ Ọghẹnẹ ji ruẹ obo rọ tare; ayen hẹ Iseri ri Jihova..
Wọ je sa Fuẹrẹn
BAIBOL NA—OVUẸ VỌ YEHẸ EVUN RỌYEN?
Ihworakpọ Sivwinrhọ Vwẹ Ọke Oghwe Na
Mavọ umwemwu wan hrabọ nene akpọ na? Mavọ Noa vwo dje phia nẹ ọyen ohwo rọ fuevun?
Ẹbe kugbe Broshọ revwo Yono Baibol
Ono Ghine Suẹn Akpọ Na?
Ẹkpahọnphiyọ ri Baibol na se gbe we unu. Guọnọ oboresorọ ọ vwọ ghanre vẹ obo ro mudiaphiyọ vwọkẹ obaro na.
