La piova la ga continuà 40 di e 40 note e tuta la Tera la è restada soto l’àqua. Tute le persone rugne le è restade morte.

I àngeli che se ga rebelà contra Dio, i ga abandonà el corpo de carne che i gavea e i se ga tornà demonii.

Quei che zera nela arca i è restadi vivi. Sol che, dopo de un tempo, Noè e la soa fameia i è morti. Ma Dio ndarà ressussitarli e, dopo si, i poderà viver par sempre.

El Diaol e i demonii ancora i ze drio desviar e inganar le persone.

Ancoi, come nel tempo de Noè, tanti no i vol mia saver dela bona orientassion che Geovà el da. Suito, Geovà el finirà con tuti quei che i è rugni. — 2 Pedro 2:5, 6.

Ghenʼè persone che le è come Noè. Le scolta a Dio e le fa come che lu el vol. Ste persone le è le Testimònie de Geovà.