EPANTTE 6
Exeeni Eniixutta Ahu Voohimya sa Mutaaseke Muulupale?
Muluku ahaapwetexa atakhali masi aahimoopola Nowe ni etthoko awe.
Yaahivira mahiku 40 othana ni ohiyu, erupaka epula yinceene, nto maasi yaahikhuneela elapo yotheene. Atthu otheene ootakhala yaahikhwa.
Malaikha ale oohiiwananeya yaahirula irutthu sa opinaatamu khukhala minepa sotakhala.
Atthu otheene yaale yaari mukalawani yaahoopowa. Nuuvira okathi, Nowe ni etthoko awe yaahikhwa, masi, Muluku onrowa waahihimuxa wira akhaleke ni ekumi yoohimala.
Muluku onrowa waapwetexa-tho atthu ootakhala ni owoopola atthu ooloka.—Matheyo 24:37-39
Satana ni malaikha awe annivikaniha waawoka atthu.
Ntoko siira aya okathi wa Nowe, mahiku ala, atthu anceene annikhootta wiiwelela malakiheryo anooniherya ophenta wa Yehova. Moohipisa Yehova onimwaapwetexa atthu otheene ootakhala.—2 Pedru 2:5, 6.
Atthu akina anilikana ni Nowe, anninwiriyana Muluku ni annipaka ele enihimya awe, atthu awo ti Anamoona a Yehova.
You May Also Like
ILIIVURU NI IBROXURA
Ti Pani Oneettiha Olumwenku ola Tthiri?
Biibiliya onnimuhimya ole onilamulela olumwenku ola tthiri, ni nthowa naya.
