SHAAHO 6
Bashshaa Haattaappe Ay Tamaariyoo?
Xoossay iitata xayssiis; shin Nohanne a soo asaa ashshiis. Doomettaabaa 7:11, 12, 23
Iray 40 gallassaanne 40 qammaa bukkiis; qassi haattay saˈa ubbaa kammiis. Iita asay ubbay hayqqiis.
Makkalancha kiitanchati bantta asatettaa aggibayidi, daydantta gididosona.
Markkabiyaa giddon deˈiyaageeti attidosona. Wurssettan Noheenne a soo asay hayqqidaba gidikkokka, Xoossay eti merinau deˈanaadan hayquwaappe denttana.
Maatiyoosa 24:37-39
Xoossay zaarettidikka iita asaa xayssidi, loˈˈo asaa ashshana.Seexaanaynne daydanttati haˈˈikka asaa balettiiddi deˈoosona.
Ha wodiyan daro asay Nohe wodiyaagaadan Yihooway siiquwan immiyo kaaletuwaa kaallenna. Mata wode Yihooway iita asaa ubbaa xayssana.—2 PHeexiroosa 2:5, 6.
Issi issi asay Nohe mala. Xoossay yootiyoobaa siyidi oosuwan peeshshees; eti Yihoowa Markkata.