BAHIN 6
An Daku nga Baha—Ano an Aton Mahibabaroan Hito?
Ginbungkag han Dios an magraot; ginluwas hi Noe ngan an iya pamilya. Genesis 7:11, 12, 23
Nag-inuran ha sulod hin 40 ka adlaw ngan 40 ka gab-i, salit natabonan hin tubig an bug-os nga tuna. Nagkamatay an ngatanan nga magraot nga tawo.
Ginbayaan han rebelyoso nga mga anghel an ira tawhanon nga lawas ngan nagin mga demonyo.
Natalwas an mga sakay han arka. Bisan kon ha urhi namatay hi Noe ngan an iya pamilya, babanhawon hira han Dios ngan mabubuhi ha waray kataposan.
Pariho ha panahon ni Noe, pupoohon han Dios an magraot ngan tatalwason an mag-opay nga tawo. Mateo 24:37-39
Padayon nga ginlilimbongan ni Satanas ngan han iya mga demonyo an mga tawo.
Yana, ginsasalikway han damu nga tawo an mahigugmaon nga paggiya ni Jehova, sugad la han ha panahon ni Noe. Ha diri na maiha, pupoohon ni Jehova an magraot.—2 Pedro 2:5, 6.
May mga tawo yana nga pariho kan Noe. Namamati hira ha Dios ngan nasunod ha Iya sugo. Hira an mga Saksi ni Jehova.
Bangin Maruyagan Mo Liwat
AN BIBLIA—ANO AN MENSAHE HITO?
Natalwas an Katawohan ha Baha
Kay ano nga nagsarang ha tuna an karaotan? Ha ano nga paagi ginpamatud-an ni Noe nga matinumanon hiya?
LIBRO NGAN BROSYUR
Hin-o Gud ba an Nagkukontrol han Kalibotan?
Bangin mahipausa ka han baton han Biblia. Hibaroi kon kay ano nga importante ito ngan kon ano an epekto hito ha tiarabot.
