FAʼAHI 6
Koteā Te Ako ʼe Tou Maʼu Mai Te Tulivio?
ʼI te temi ʼo Noe neʼe fakaʼauha e te ʼAtua te hahaʼi agakovi kae neʼe ina haofaki ia Noe mo tona fāmili. Senesi 7:11, 12, 23
Neʼe ʼua lalahi iā ʼaho e 40 pea mo pō e 40, pea neʼe lōfia kātoa te kele ʼi te vai. Neʼe mamate fuli ia te hahaʼi agakovi.
Neʼe siʼaki e te kau ʼāselo agatuʼu tonatou ʼu sinoʼi tagata pea neʼe natou liliu ko te kau temonio.
Neʼe hao ia nātou ʼaē neʼe ʼi te ʼaleka. Logolā ko Noe pea mo tona fāmili neʼe mamate ki muli mai, kae ʼe fakatuʼuake anai nātou ʼaki te ʼamanaki ʼaē ke natou maʼuli ʼo heʼegata.
ʼE toe fakaʼauha anai e te ʼAtua te hahaʼi agakovi pea mo haofaki te hahaʼi agalelei. Mateo 24:37-39
Ko Satana pea mo te kau temonio kei hoko atu pē tanatou fakahalaʼi te hahaʼi.
Iā ʼaho nei ohagē pē ko te temi ʼo Noe, tokolahi ʼe natou fakafisi ki te takitaki ʼofa ʼa Sehova. Kua vave pē anai te pulihi e Sehova ia nātou fuli ʼaē ʼe agakovi.—2 Petelo 2:5, 6.
Ohagē ko Noe, ko ʼihi ʼe natou fakalogo ki te ʼAtua pea mo natou fai te meʼa ʼaē ʼe ina tala age, ʼe ko te kau Fakamoʼoni ʼa Sehova.