ZƐŊ LƐƐI 6
M̀ɛnii Ǹyá-fɛɛ Kɛ́tɛi É Gɛi, Lé Ɓé Kwa Pɔri Maa-kɔ̂rii Zu?
Ɣâla è zɔŋyɔ̂ŋ ɓelai su kara, kɛ́lɛ, è Nôa da ŋɔnûai ɓálo. Zɛnɛse 7:11, 12, 23
Tuna è pù a fólo-kûu buu-náaŋ da kpíni-kûu buu-náaŋ, nyàŋ ǹyá-fɛɛi e nɔii kélee mɛi pɛ́lɛ. Zɔŋyɔ̂ŋ ɓelai kélee di saa.
Gela-ŋai nyii kula Ɣâla wóo mu di pá nɔii mai, di dimaa pene a nyînaŋ-nyɔ́mɔɔ-ŋa di li pôlu ŋelei su.
Diai kélee kɛ́ ǹyá-ŋa keleŋ sui dia nɔ ɓe ɓálo. Ǹyá-fɛɛi tɛɛ pôlu mai, Nôa da ŋɔkáayɔɔ-ŋai di saa tɛi-tɛi, kɛ́lɛ, Ɣâla a pai dimu siɣêi saa yeei dikɛ́ ɣeniɛ wɔlɔ-wɔlɔ da wɔlɔ-wɔlɔ.
Ɣâla a pai ŋɔ́nɔ zɔŋyɔ̂ŋ-ɓelai su karai é mɛni lɛ́lɛɛ kɛ́ ɓelai ɓálo. Maafîu 24:37-39
Sêtɔŋ da nyinaŋ nyɔ́mɔɔ-ŋai dikáa niî núu-kpune ɓooi à gɛ́ɛ di mɛni nyɔ́mɔɔ kɛ́.
Sâa, yɛ̂ɛ Nôa ŋɔtãi ma, nûa támaa dife ŋwɛ̂lii di diwóli tɔ́ɔ Ziova ŋɔwɛ́li-kɛ-maa wooi ma. Tãi kpua yée mu, Ziova a pai sɔŋyɔ̂ŋ-ɓela kélee su karai.
Nûai dani-ŋa dikáa nɔ yɛ̂ɛ Nôa. Da diwóli tɔ́ɔ Ɣâla ma, di mɛni-ŋai kɛ́ a mo dia, dia ɓa Ziova Ŋɔsêre-faa kɛ-ɓelai..
Ya Pɔri Ŋɔnɔ Mɛni-ŋai Ŋi Maa-kɔrii
GƆLƆ-ŊAI & GƆLƆ-KPUA-ŊAI
Gbɛ̂ɛ Ɓe Ŋéniɛi Káa Sâa Ŋɔwala-walalaai Mui?
Ŋâla-kɔlɔi e m̀arê-kɛi ŋí sukula. M̀ɛni káa ya pɔri zɔlɔ ɓói nyíŋi sui.
