Wula jagwile kwa masiku 40, musi ni chilo, soni mesi gagumbele pachilambo chosope. Ŵandu wosope ŵakusakala ŵawile.

Malayika gakusakala gala gawusile yilu yawo ya ŵandu, ni gaŵele yiŵanda.

Ŵandu wosope ŵaŵaliji mkati mwa chombo ŵakulupwiche. Atamose kuti Nowa ni liŵasa lyakwe ŵawile pali papite ndaŵi, Mlungu chachajimusya kuti aŵesoni ni umi, soni chachitama ni umi mpaka kalakala.

Satana ni yiŵanda yakwe akupitilisya kwasokonasya ŵandu.

Mpela muyaŵelele mu ndaŵi ja Nowa, ŵajinji masiku agano akusakana kuti Yehofa ŵalongoleleje mwachinonyelo. Pachangakaŵapa Yehofa chiŵajonanje ŵandu wosope ŵakusakala.—2 Petulo 2:5, 6.

Ŵandu ŵane ali mpela Nowa. Akusampikanila Mlungu ni kutendega yakusaŵecheta jwalakwe. Ŵanduŵa ali ŵa Mboni sya Yehofa.