JAATSIL 6
¿Baʼax ku kaʼansiktoʼon u tsikbalil le Búulkabaloʼ?
Dioseʼ tu xuʼulsaj le kʼasaʼan máakoʼoboʼ ka tu salvartaj Noé yéetel u familia (Génesis 7:11, 12, 23)
Cuarenta kʼiinoʼob yéetel cuarenta áakʼaboʼob táan u totoxaankil jaʼ. Láaj búul yóokʼol kaab yéetel kíim tuláakal le kʼasaʼan máakoʼoboʼ.
Le kʼasaʼan ángeloʼob lukʼoʼob way Luʼumeʼ tu kaʼa nupubaʼob yéetel Satanás. Ka túun suunajoʼob demonioil.
Chéen le máaxoʼob ookoʼob teʼ arca tu salvartubaʼoboʼ. Ka máan kʼiineʼ kíim Noé yéetel u láakʼtsiloʼob, baʼaleʼ yaan u kaʼa kuxkíintaʼaloʼob tumen Dios utiaʼal u kuxtaloʼob mantatsʼ.
Maʼ tun xáantaleʼ Dioseʼ yaan u xuʼulsik le kʼasaʼan máakoʼoboʼ yéetel yaan u salvartik le utsoʼoboʼ (Mateo 24:37-39)
Le Kʼaasilbaʼal yéetel le demonioʼoboʼ láayliʼ táan u kaxtik baʼax u beetoʼob utiaʼal maʼ u yuʼubaʼal u tʼaan Jéeobaeʼ.
Jeʼex tu kʼiiniloʼob Noéeʼ, bejlaʼa xaneʼ le máakoʼoboʼ maʼ taak u yuʼubikoʼob le jatsʼuts baʼaloʼob ku kaʼansik Jéeobaoʼ. Maʼ tun xáantal ken u xuʼuls Dios le kʼasaʼan máakoʼoboʼ (2 Pedro 2:5, 6).
Bejlaʼa xaneʼ yaan máakoʼob utsoʼob jeʼex Noéeʼ tumen ku beetkoʼob baʼax ku yaʼalik Dios. Le máakoʼobaʼ u testigoʼob Jéeoba.
Maʼ xaaneʼ jeʼel u yutstal xan ta wicheʼ
LE BIBLIAOʼ TIʼ BAʼAX KU TʼAAN
Tu salvartubaʼob tiʼ upʼéel búulkabal
¿Bix chuʼupik le Luʼum yéetel baʼaloʼob kʼaastakoʼ? ¿Bix úuchik u yeʼesik Noé chúukaʼan u yóol u meyajt Dios?
LIBROʼOB YÉETEL FOLLETOʼOB
¿Máax gobernartik le yóokʼol kaabaʼ?
Yaan u jaʼakʼal a wóol kéen a wil baʼax ku yaʼalik le Biblia yoʼolal leloʼ. Ilawil baʼaxten maʼalob ka a wojéelte yéetel baʼax utsiloʼob jeʼel u taasiktecheʼ.
