Ka wamito yomo cwiny Jehovah, ci omyero wawiny ngat mo mukene ma pire tek atika. Con ma peya onongo ocweyo Adam, Jehovah ocweyo ngat meno calo cwec me cwiny matek i polo.

Kare obino ma Jehovah ocwale wek nyako mo ma pe ngeyo laco, ma nyinge Maliam onywalle i Beterekem. Latin man kicako nyinge ni Yecu​—Jon 6:38.

I kare ma en okwo calo dano i lobo, Yecu olubo kit pa Lubanga labongo roc mo. En obedo lakica, lamar, dok obedo dano ma lok kwede yot. Labongo lworo mo, en opwonyo dano ki lok ada i kom Jehovah.

Yecu ocango lutwo dok ocero bene wa jo mogo ma guto.

Ludito dini onongo gidag Yecu pien en oyaro ka maleng pwonygi me goba ki timgi maraco.

Ludito dini gubito jo Roma me pwodo ki me neko Yecu woko.