Adeghẹ ima hoo ne ima ya ẹko rhiẹnrhiẹn e Jehova, te ima gha vbe danmwehọ orhunmwu ọkpa ne kpataki. A te miẹn wẹẹ e Jehova yi Adam, ọ keghi yi odibo ọkpa vbe ẹrinmwi nọ kakabọ mwẹ ẹtin.

Vbe ọ ghi sẹ ẹghẹ, e Jehova keghi gie odibo na gha die uhunmwu otagbọn, e Meri ne uvbi nọ ma he rẹn okpia ẹre ọ ghi do biẹ ọre vbe Bẹtlẹhẹm. A na gha tie ẹre Jesu.—Jọn 6:38.

Vbe ẹghẹ ne Jesu ya gha rre uhunmwu otagbọn na, avbe akpa ne Osanobua mwẹ ẹre irẹn vbe gha mwẹ. Ọmwa nọ mwẹ ekhọe esi, nọ mwẹ ahoẹmwọmwa kevbe nọ gia sikẹ ẹre irẹn ghaa khin. Ọ kegha maa emwa ẹmwata vbekpae Jehova vbene ohan ma na muẹn.

Jesu keghi mu emwa egbe rran, ọ na vbe huẹn emwa eso ni wulo kpaegbe.

Avbe ọkaolotu ugamwẹ kegha khẹko e Jesu, rhunmwuda ne ọ na vẹ ọre rua emwi dan ne iran ru, ọ na vbe gi emwa rẹn wẹẹ ohoghe ẹre iran maa emwa re.

Avbe ọkaolotu ugamwẹ keghi mu ohoghe ba e Jesu, ne Ivbi e Rom mieke na ya ugbemwẹ yan rẹn, kevbe ne iran gbe ẹre rua.