BUŊGƐI 7
Nɛɛ Wa yɛ Chiisu?
Mi Chɛhowa viam Chiisu o lɛŋndeŋ choo. Chɔŋ Tasoo 4:9
Te ŋ yeema pɛ le miŋ nɛŋi Chɛhowa kɔl, ŋ nɔ miŋ yaŋ nilaŋ o wana sɔviɔɔ opilɔɔ lo. Tuupa mbo tosa Adam, Chɛhowa ndoo tosa fɛŋ wana kpaayaa o inyinaya o choo choo niŋ.
O boondii pum niŋ, mi Chɛhowa viam wana koŋ le mbo veluŋ o Bɛtilihɛm niŋ a wana sina wɔ suɛi wana pɔnɔ loo ma veelu ndu aa Meele. Ma ke chɛlɛkpɛ koŋ diolaŋ aa Chiisu.—Chɔŋ 6:38.
Wa ndɔɔ o lɛŋndeŋ choo maa wanachiee, mi Chiisu vial Mɛlɛka a suiliŋnda ndɔlaŋ. Ndoo nɔ kɛndɛi, kaalaa, vɛlɛ mi waŋnda ndaa sɔɔŋguu ndu machɛlu. Siooŋii ndii ve ndu le waŋnda pɛɛkoo tonyaa a Mɛlɛka okɔɔ le.
Sɔɔŋ kɛndɔŋ kposoŋ Chiisu ndoo tosa ni kɛ ma tul ndu leyɛ. Pitɛ Tasoo 2:21-24
Mi Chiisu siŋgi wanaa wa a naalaŋnda vɛlɛ mbo miŋgi waŋvilɛiya yoomu.
Mi wanaa lebolla o piɛiye niŋ tul Chiisu leyɛ kanifuule, o wa piɛiyii ndɛi lachoowɛi chɔɔmuuwo a nɛila ndala yɔŋ wɔɔŋndaŋ.
Mi wanaa lebolla o piɛiye niŋ hiau Luomaŋnda kɔɔli le Chiisu lɔɔ haa mbo vi.
