Di’ia ne’e kulu oga sa Jehova ka saelea, kulua ka doṉa ru ne’e ṉela nia sa Jesus saea. Sa Jehova eta sauṉani tai angel ṉasiṉasia i laṉi, sui mala, ni fi’i sauṉani sa Adam.

Leleka sa Jehova ka kwatea nika futa ana i Mary saena fanoa i Bethlehem. Ṉela ne’eri satana sa Jesus.—John 6:38.

Kaidai sa Jesus tua saena fanoa i ano, ni fa’atainia falafala sa God ki. Nia faṉa lea, ka kwaima ana ṉwae ki, ru ne’eri ki kwatea ṉwae ki kasi ma’u ani leka’a mai i siana. Nia kasi ma’u fuana ka fa’amanata ṉwae ki ani ru mamana sulia sa Jehova ki.

Sa Jesus gura ṉwae matai ki, ma nia ka fa’amauria loṉo ṉwae mae ki.

Ṉwae ‘a’ana mana ma’e u’a ki, kira aila ania sa Jesus. Sine’e nia afia ṉwae ki ka lia saiana ṉwae ‘a’ana mana u’a ki kira soke ma falafala kira ki ka ta’a liu.

Ṉwae ‘a’ana mana u’a ki ne’e u burina ṉwae ‘a’ana i Rome ki fuana kira ka sauṉia sa Jesus.