TITINI 7
Yezu weri nani?
Yehova watàmbika Yezu hà zulu m’toto. 1 Za 4:9
Tâ zololo wa ta nsâyi kwé Yehova, fweti wirikila muntu wa kaka wa m’funu. Ntete ntete kasala Adam, Yehova wasalá muntu wa mpêve we na ngolo ku mazulu.
Yehova ni kam’tambika hà zulu m’toto ngâtu ki kabutukila ku Beteleyême kwe ndumba m’kento we nkumbu Mâri. Ni bam’hâna nkumbu Yezu.—John 6:38.
Bu kayí kula hà zulu m’toto, Yezu wa tómo landa bifu bia biboté bía Nzàmbi. Weri muntu wa m’bote, wa luzolo, keri kwe zolo mu zonza na bantu. Keri kwe longese bantu matsieleka ma Yehova na butíndi bua nsó.
Yezu bubote keri kweyíriki, kâ bam’yína. 1 Piere 2:21-24
M’fumu za mabundu bayína Yezu mu bungu tí ndongosolo zâwu za bungúngú na nsalulu zâwu zà mbí keri kuémonekese.
Yezu wawashisa mpe bambêvo; wavumbula bantu bafwa.
M’fumu za mabundú bawísa Baromé batwa Yezu mboko bam’hònda.
