Masa kuka thathamia tha Jehovah kai se’ethathala suli kulu, kuki roṉo lau bo’o uria kaluwane nia. Totole nao u mai, sui fetei tha Jehovah ka thauṉainia tha Adam, nia e thauṉainia te’e angel ne sukwai ka tatha i thalo mai.

Lalae, tha Jehovah ka fale nia mai ka futa i Bethlehem ana te’e kini thari’i na thatana ni Mary. Wela eri keka alaṉia atha Jesus.—John 6:38.

Si maṉa nia e to i fanua nei iano, tha Jesus e fatai laulau ana biranana tha God. Nia e ade lea, ka liothau, bia imole ki kesi maṉosi nia. Nia e ai si mau ana to’o lana mamana la sulia tha Jehovah i sana imole ki.

Ṉa to’a nanao ki ana fo’a, kera lalakwatania tha Jesus uria ne fa’aroṉo lala’a ana to’odoa garo kera ki, bia biraṉa ta’a ki na kera ilidaki.

Tha Jesus e fa’akwa lau bo’o imole ki na kera matai, bia ka tataea tei imole ki na kera mae sui na’a.

Ṉa to’a nanao ki ana fo’a kera ṉata ni lolea sulia tha Jesus i sana toa gwauṉai i Rome fasia keka kwae nia, bia keka thaumaeli nia.