Tla tiknekij tikpaktiskej Jehová, noneki matijkakikan ikoneuj. Youejkauj ijkuak xikichijchiuaya Adán, Jehová okichijchiuj ipan iluikak se iluikaktekitketl melak kojtik.

Sakin, toTajtsin okuajtitlan se iluikaktekitketl matlakatiki nikan ipan tlaltikpaktli. Otlakatiko itech se ichpochtli itoka María. Yejuin konetsintli okitokayotijkej Jesús ( Juan 6:38).

Ipan tlaltikpaktli, Jesús melak kuajli okiteititi ikualneskayouan toTajtsin. Yejua tenotski katka, tetlasojtlani niman maski san akinon ueliya yaya itech. Ika yolchikaualistli okinmachti oksekimej tlen melauak itech Jehová.

Tlamachtijkej ipan tlanauatijli, okitlauelitakej Jesús pampa okimijli tlaltikpakchanejkej ika xmelak tlen tlamachtiayaj niman xkuajli tlen kichiuayaj.

Jesús noijki okinpajti kokoxkej niman okinyoliti sekimej akin yomijkaj.

Tlamachtijkej ipan tlanauatijli okichiujkej ika romanos makitlajyouiltikan Jesús niman makimiktikan.