Mo täbocö, Adánrö aditäcua äʼcanä, Jeohua aditinö mo̧ro̧jä̧ra̧ʼa̧ttö̧ ángel rö̧ȩnä̧ ju̧ru̧huä̧rö̧. Pä̧huä̧ rö̧jä̧cu̧ i̧tti̧rö̧ʼi̧nä̧ tä̧ju̧cua̧ päʼö.

Pi̧yȩ ʼcuäopinöʼca, hueʼinö Dios i̧tti̧rö̧ u̧huä̧pä̧chä̧ päʼö pi̧jä̧ rȩjȩra̧ʼa̧. Yajute isaju uborö jerupaju ki̧nä̧ju̧, ki̧mi̧mä̧ María. Ötahuiyä Belénttö uhuäbecuinäju ji̧ʼqui̧cha̧hua̧rö, i̧mi̧mä̧ mi̧cui̧nö̧ Jesús (Juan 6:38).

Pi̧jä̧ rȩjȩttö̧, Jesús adihuä i̧sa̧ pi̧nö̧, ttö̧ja̧rö̧ adiu re rö̧jö̧nä̧ topinö, Jeohua jö̧ taʼanö. Ja̧ʼhua̧nö̧ ja̧ʼa̧ttö̧,recuätö ttö̧ja̧ ca̧ca̧cui̧nä̧tö̧ Jesús utöʼcö ttö̧ja̧ päʼö. Yecuocaʼa huo̧juȩti̧nö̧ iso päiʼönä huȩnȩ Dios jähuä.

Jesús jiʼähuinö ttö̧ja̧rö̧, ruhuotö religiosos yapare huo̧juȩti̧nä̧tö̧, suronä jȩpi̧nä̧tö̧. Ja̧ʼhua̧nö̧ ja̧ʼa̧ttö̧, köʼcocotö pi̧nä̧tö̧ Jesúsru.

Jesúsmä aditö icuinö na̧ʼä̧chä̧tö̧rö̧, yitucunä ʼcorujuoächinätöröʼinä ttoʼädinö.

Ruhuotö religiosos jiʼähuinätö yapare romanos tturuhuotörö Jesús jähuä, jahuätö cuäcuättärö päʼö, cuäʼö tticuarö päʼöʼinä.