PARTE 7
Jesusga ¿pidi gan?
Jehová Diosga Jesusdami cai allpamun cacharca (1 Juan 4:9).
Adanda narij rrurrashtimi, Jehová Diosga jahua cielobi shuj poderoso angelda rrurrarca. Jehová Dios ñucunchiun contento sintirillunga, chai importante angelda uyana ganchi.
Jipaga, Taita Diosga chai ángel huahua shina cai allpabi nacirillunmi shuj milagroda rrurrarca. María soltera huarmiga Belén llajtabi ungurca. Chai huahuabu shutiga Jesusmi gan (Juan 6:38).
Jesús cai allpabi causajushaga, juyaj cariñoso, Jehová Dios layami garca. Chaimundami gentegunaga paiun pasanada munarca. Shinalladi, Diosmunda na manchashmi verdadta yachachirca.
Jesús alligunada rrurrajpibish, ashca gentegunaga paida odiarcami (1 Pedro 2:21-24).
Shinalladi, ungushcagunada jambirca, huaquin huañushcagunadashmi causachirca.
Jesusga líderes religiosoguna Diosmunda llullagunada yachachin y malo cosasgunada rrurranajun nishcamundami, Jesusda ashcada odiarcaguna.
Chai líderes religiosoguna llullagunada nishmi Jesusda tacachirca. Chai jipaga, romanogunami paida huañuchirca.
