PARTE 7
¿Pi can Jishu?
Jehová Ashpaman Jishút cachara (1 Juan 4:9).
Únay manáraj Adánt ʼruas, Jehová ʼruara ánaj pachapi suj ángel ancha atiyniyojta. Jehová cusiscka nockaycuan tianánpaj, uyarinaycu tían cá ángel ancha atuchajta.
Cá angelta ʼruas chaymanta Tata Yaya ʼruara huachascka cachun cay Ashpapi suj huahuita ina. Suj sipas virgen sutencka María apera payta Belenpi. Jishu sutiyacherancu (Juan 6:38).
Ashpapi causas tias Jishu ckaachera alli y munácoj cara Jehová ina. Chayraycu persunas ckaylla paymanta tiayta munarancu. Nátaj, yachachera verdar Tata Yayamanta ashca corajean.
Amapas Jishu ashca alli imastis ʼrúaj cara, ashca persunas payta chéjnej carancu (1 Pedro 2:21-24).
Onckosckasta ampicora y huaquin huañusckasta causachicora.
Caudillus religiusus Jishút chéjnej carancu, paycunamanta nisckanraycu, llullasta yachachincu y ancha mana alli portacuncu.
Caudillus religiusus ʼruarancu romanus Jishút huajtachuncu y huanchinancuta.
