DUL 8
To pa Yecu Twero Kelo Boti Ngo?
Yecu oto wek wan wabed kwo. Jon 3:16
Ma nino adek dong okato i nge to pa Yecu, mon mogo gucito ka limo lyelle ci gunongo iye tye nono. Jehovah onongo ocero Yecu woko ki i to.
Lacen Yecu onyutte bot lureme nyo lukwenane.
Adada, Jehovah ocero Yecu macalo cwec me cwiny matek dok ma pe twero to. Lupwonnye pa Yecu gunene i kare ma en cito malo i polo.
Daniel 7:13, 14
Lubanga ocero Yecu dok oketo en me doko Kabaka me Ker pa Lubanga.Yecu omiyo kwone macalo ginkok me koko wan dano. (Matayo 20:28) Lubanga omiyo watwero kwo nakanaka, pi ginkok meno.
Jehovah ocimo Yecu macalo Kabaka me loyo lobo. En biloc kacel ki jo 144,000 ma gin lugen ma kicerogi ki i lobo me kwo i polo. Yecu kacel ki dano 144,000 magi gitye gamente matir ma tye i polo—en aye Ker pa Lubanga.—Niyabo 14:1-3.
Ker pa Lubanga biloko lobo doko paradic. Lweny, turo cik, can, ki can cam bibedo pe. Dano bibedo ki yomcwiny me ada.—Jabuli 145:16.