DUL 8
To pa Yecu Twero Kelo Boti Ngo?
Yecu oto wek wan wabed kwo. Jon 3:16
Ma nino adek dong okato i nge to pa Yecu, mon mogo gucito ka limo lyelle ci gunongo iye tye nono. Jehovah onongo ocero Yecu woko ki i to.
Lacen Yecu onyutte bot lureme nyo lukwenane.
Adada, Jehovah ocero Yecu macalo cwec me cwiny matek dok ma pe twero to. Lupwonnye pa Yecu gunene i kare ma en cito malo i polo.
Lubanga ocero Yecu dok oketo en me doko Kabaka me Ker pa Lubanga. Daniel 7:13, 14
Yecu omiyo kwone macalo ginkok me koko wan dano. (Matayo 20:28) Lubanga omiyo watwero kwo nakanaka, pi ginkok meno.
Jehovah ocimo Yecu macalo Kabaka me loyo lobo. En biloc kacel ki jo 144,000 ma gin lugen ma kicerogi ki i lobo me kwo i polo. Yecu kacel ki dano 144,000 magi gitye gamente matir ma tye i polo—en aye Ker pa Lubanga.—Niyabo 14:1-3.
Ker pa Lubanga biloko lobo doko paradic. Lweny, turo cik, can, ki can cam bibedo pe. Dano bibedo ki yomcwiny me ada.—Jabuli 145:16.
Itwero Bedo ki Miti i kom Lok Man
PWONY MA PIGI TEGO ME BAIBUL
Pingo Yecu Oto?
Baibul nyuto ni to pa Yecu pire tek adada. Tone mono obedo ki tyen lok?
NIPO
Po pi To pa Yecu
Walwongi me ribbe kwedwa i yub man ma pire tek-ki. Ibipwonyo kit ma kwo pa Yecu ki tone romo konyi kwede.
BUKKE KI BROCUWA
Jo Muto Mono Gitwero Kwo Doki?
Tika dong irwenyo ngat ma imaro i to? Cikke me Baibul ma kweyo cwinywa-ni twero konyi.
