FÃ 8
Mɛni Se Nami Ngɛ Yesu Gbenɔ ɔ He Kɛ Ha Mo?
Yesu gbo ngɛ wa he konɛ wa ná wami. Yohane 3:16
Benɛ Yesu gbo ligbi etɛ se ɔ, yi komɛ ya hyɛ muɔ nɛ a pu lɛ ngɛ mi ɔ mi, se a nɛ́ lɛ. Yehowa tle Yesu si kɛ je gbeje.
Pee se ɔ, Yesu je e he kpo kɛ tsɔɔ e bɔfo ɔmɛ.
Niinɛ, Yehowa tle Yesu si kaa mumi mi nɔmlɔ nɛ́ e ngɛ he wami, nɛ e be gboe gblegbleegble. Yesu kaseli ɔmɛ na Yesu benɛ e yaa hiɔwe ɔ.
Mawu tle Yesu si nɛ e to lɛ Matsɛ ngɛ Mawu Matsɛ Yemi ɔ nya. Daniel 7:13, 14
Yesu ngɔ e wami kɛ ha kɛ kpɔ adesahi. (Mateo 20:28) Kɛ gu kpɔmi nɔ́ nɛ ɔ nɔ ɔ, Mawu bli blɔ ha wɔ konɛ wa nyɛ nɛ wa ná neneene wami.
Yehowa wo Yesu Matsɛ konɛ e ye zugba a nɔ. Nimli anɔkualetsɛmɛ 144,000 nɛ a tle mɛ si kɛ je zugba a nɔ ma ya piɛɛ Yesu he kɛ ye matsɛ ngɛ hiɔwe. Yesu kɛ nimli 144,000 ji nihi nɛ a maa pee matsɛmɛ ngɛ Mawu Matsɛ Yemi nɛ ji hiɔwe nɔ yemi nɛ da a nya.—Kpojemi 14:1-3.
Mawu Matsɛ Yemi ɔ ma ha nɛ zugba a maa pee paradeiso. Ta hwumi, basabasa peemi, ohia, kɛ hwɔ se maa po. Nimli ma ná bua jɔmi nitsɛnitsɛ.—La 145:16.
Eko ɔ, O Bua Maa Jɔ Enɛ ɔ Hu He
ESSENTIAL BIBLE TEACHINGS
Mɛni He Je Nɛ Yesu Gbo?
Baiblo ɔ tsɔɔ kaa Yesu gbenɔ ɔ he ngɛ se nami wawɛɛ. Anɛ yi mi tomi ko ngɛ e gbenɔ ɔ he lo?
KAIMI
Kai Yesu Gbenɔ ɔ
Waa kɛ bua jɔmi ngɛ mo nine fɔe nɛ o ba piɛɛ wa he kɛ ye gbijlɔ nɛ he hia nɛ ɔ. O maa kase se nami nɛ ngɛ Yesu si himi kɛ e gbenɔ ɔ he ɔ he ní.
WOMIHI & WOMIYOHI
Anɛ Nihi Nɛ A Gbo ɔ Maa Ba Wami Mi Ekohu Niinɛ Lo?
Anɛ o suɔlɔ ko gbo hyɛ lo? Baiblo si womi nɛ woɔ nɔ bua a, ma nyɛ maa ye bua mo.
