Yeˬsuˇ shiˇ-eu smˬ nah byah laˇ ngeh aˬ buˇ tiˬ deuˬ lmˬ bymˇ-ahˇ haw iˇ ngeh Yeˬsuˇ-euˬ mawˇ do maˬ paˇ jaˆ-euˬ meh. Yeˬhawˇbaˬ Yeˬsuˇ-ahˇ bi g’oꞈ dehꞈ laˇ-eu meh.

K’oeˇ naˇ Yeˬsuˇ aˬ yawꞈ-eu g’aˬ k’ehˇ deuˬ-ahˇ bi mawˇ-euˬ meh.

Yeˬhawˇbaˬ Yeˬsuˇ-ahˇ tiˬ jawˇ iˬ maˬ shiˇ-euˬ maˬ mawˇ nya-euˬ mˬ taˆ g’aˬ k’ehˇ duˇ ni shiˇ-eu k’awꞈ bi g’oꞈ dehꞈ laˇ-eu meh. Mˬ-ahˇ Yeˬsuˇ g’oꞈ daˆ leˇ gaˇ zaˬ lahˇ deuˬ ya mawˇ-eu meh.

Yeˬsuˇ shiˇ-euˬ jeˬ-aˬ tsawˇ haˬ-ahˇ ka k’oꞈ-euˬ jeˬ pyeuꞈ-eu meh. (Maꞈtehˬ 20:28) Ka k’oꞈ-eu jeˬ baˬ da neh mˬ maˬ maˬ byaˆ zaˇ ziˇ za-eu aˇ yamˬ aˬ dui-ahˇ Yeˬhawˇbaˬ biꞈ-eu meh.

Yeˬhawˇbaˬ Yeˬsuˇ-ahˇ sahˬ paˬ bi geuꞈ-awˇ miˇ tsaˬ k’oeˇ taˆ bi uˆ lahˇ-eu meh. Yaw tsaˬ yaw dawˇ mˇ-eu tsawˇ haˬ 144, 000 g’aˬ-ahˇ bi g’oꞈ dehꞈ laˇ-awˇ mˬ k’oeˇ taˆ Yeˬsuˇ nehꞈ-ehˇ jawˇ-awˇ bi uˆ lahˇ-euˬ meh. Yeˬsuˇ hawˇ-eu 144, 000 g’aˬ mˬ k’oeˇ taˆ tiˬ kawˆ loꞈ-eh jawˇ-awˇ uˆ lahˇ-eu jeˬ-aˬ yawˇ muiˬ-eu Miˬ yehˇ uˆ lahˇ-eu miˇ k’ahˬ lehˇ kuˇ-eu meh.—Pah mehˬ-eu 14:1-3.

Miˬ yehˇ uˆ lahˇ-eu jeˬ-a miˇ tsaˬ-ahˇ Eˬdeˬ yaˇ kmˇ bi pyeuꞈ laˇ-eu mehˬ. Guiˇ deuˆ deuˆ-eu jeˬ, smˇ k’oeˬ tahˇ joe jeˬ, iˇ shaˬ shaˬ-euˬ, mehˬ-eu shuˬ-eu jeˬ maˬ jaˆ, yawˬ g’aˬ na luꞈ laˬ k’aˬ ya cehˇ meh.—Ja ceuˬ 145:16.