AKPA 8
Enu Nywi Ci Àkpɔ Le Yesu Ku Lɔ Mɛɔ?
Yesu ku nɔ mìatɛnŋ anɔ agbe. Ʒan 3:16
Le ŋkeke amɛtɔntɔ nɔ Yesu kuku goduɔ, nyɔnu ɖekawo yi yi yɔdu tu, yí kpɔɛ le tootu. Yehowa fɔn Yesu do agbe.
Le yi goduɔ, Yesu dasɛ yiɖeki nɔ yi xlɔ apostolowo.
Le nyɔnɔnwi mɛɔ, Yehowa na Yesu gbe trɔ Mawudɔla sɛnŋsɛnŋ ɖeka, ci yí dagbevaku gbeɖegbeɖe o. Apostolo lɔwo kpɔɛ hwenu ci yí éyikɔ jeŋkwimɛ.
Mawu fɔn Yesu do agbe yí sɔ ɖo Efyɔ nɔ Mawu Fyɔɖuxu. Daniɛli 7:13, 14
Yesu sɔ yi gbe savɔ yí cú ’tafɛn do agbetɔwo ta. (Matie 20:28) Toto ’tafɛn lɔ jiɔ, Mawu na emɔkpɔkpɔ mì nɔ mìatɛnŋ anɔ agbe tɛgbɛɛ.
Yehowa ɖo Yesu Efyɔ nɔ akpacɛ do nyigban lɔ ji. Woafɔn egbejinɔtɔ 144 000 so ’ku woava ɖu Efyɔ koɖo Yesu le jeŋkwimɛ. Yesu koɖo amɛ 144 000 lɔwo jiɖuɖu jɔjɔɛ yí nyi Mawu Fyɔɖuxu.—Enyɔdasɛ 14:1-3.
Mawu Fyɔɖuxu lɔ atrɔ nyigban anyi paradiso. Ahwawawa, enu baɖawawa, wamɛnɔnyinyi koɖo ejutotwi agu. Amɛshiamɛ akpɔ jijɔ.—Ehajiji Wema 145:16.
Ebuwo Ke
BIBLA NUKPLAKPLA VEVIWO
Nyi yí taɖo Yesu kuɔ?
Bibla do afixɔxɔ gangan Yesu ku nu. Taɖojinu ɖe koŋ yí le yi ku lɔ nua?
EŊWIÐOÐO
Ðoŋwi Yesu Ku Ji
Ajɔ ji nɔ mì sugbɔ nɔ èva wana vevi cɛ koɖo mì. Àkplanu so nyɔna ci yí àkpɔ le Yesu ku lɔ mɛ.
WEMAWO KOÐO WEMAGBAJAWO
Amɛ kukuwo agbeva nɔ agbe le nyigban ji kea?
Amɛ vevi ɖe ku nɔ eo kpɔa? Bibla mɛ gbeɖu fakɔnnamɛ lɔ atɛnŋ akpedo eo nu.
