AKPASUA 8
?Ngue yɛ Zezi i wie’n ti’n, amun kwla ɲɛn i ɔ?
Zezi wuli naan sran’m be ɲan nguan. Zan 3:16
Kɛ Zezi wuli m’ɔ dili cɛn nsan’n, bla wie’m be ɔli i ndia’n su lɔ. Sanngɛ b’a wunman sran fi ndia’n nun. Afin, Zoova cɛnnin Zezi.
I sin’n, Zezi fiteli i akoto’m be ɲrun.
Zoova cɛnnin Zezi kɛ aolia nun sran sa, ɔ mɛnnin i tinmin dan kpa, ɔ kwlá wuman kun. Kɛ ɔ́ kɔ́ ɲanmiɛn su’n, i sɔnnzɔnfuɛ’m be wunnin i.
Ɲanmiɛn cɛnnin Zezi yɛ ɔ sieli i i famiɛn bia’n su. Daniɛl 7:13, 14
Zezi fɛli i wun kpɔli klɔ sran’m be ti. (Matie 20:28) E ti kpɔlɛ tɛ sɔ mɔ Ɲanmiɛn yili’n ti maan e kwla ɲan anannganman nguan.
Zoova sieli Zezi Famiɛn naan ɔ sie asiɛ’n. Sran 144.000 mɔ be ti sran kpa’n, yɛ be nin Zezi bé wá dí famiɛn’n niɔn. Kɛ be wu’n, be cɛn be naan b’a ko tran ɲanmiɛn su lɔ.
Ɲanmiɛn Sielɛ’n yó maan asiɛ’n káci mɛn klanman. Sran kunlɛ’n, alɛ dilɛ’n, ɔ nin yalɛ dilɛ’n yɛ awe’n, be su tranman lɛ kun. Sran’m bé dí aklunjuɛ dan.
Ninnge wie mɔ be kwla yo ɔ fɛ ekun'n
NINNGE CINNJIN NGA BIBLU’N KLE BE’N
?Ngue ti yɛ Zezi wuli ɔ?
Atrɛkpa’n w’a ti i le kɛ e sa tɛ’m be ti ye Zezi wuli-ɔ. ?Sanngɛ tɛ kunngba m’ɔ yili’n ɔ kwla yo sran miliɔn kpanngban be ye?
E WLA KPƐNLƐ CƐN’N
Maan e wla kpɛn Zezi i wie’n su
É yía ɔ kɛ a nin e tran aɲia cinnjin sɔ’n i bo wie. Like nga Zezi yoli’n, ɔ nin i wie’n i su ye nga a kwla ɲɛn i’n, bé wá yíyí nun.
FLUWA NIN FLUWA PƐPLƐƐPLƐ MUN
?Be nga be wuli’n be kwla sa be sin nguan nun ekun?
?Amun awlɛn su sran kun w’a wu le? Biblu’n nun kasiɛ’n be kwla fɔnvɔ amun.
