ICIPUTULWA 8
Bushe Imfwa Yesu Afwile Yacindama Shani Kuli Imwe?
Yesu alifwile pa kuti tube no mweo. Yohane 3:16
Pa numa ya nshiku shitatu ukutula apo Yesu afwilile, abanakashi bamo baile ku nshiishi no kusanga ukuti umo bamubikile talimo. Yehova alibuushishe Yesu.
Pa numa Yesu amonekele ku batumwa bakwe.
Ca cine, Yehova e wabuushishe Yesu mu mubili wa mupashi no kumupeela umweo wa bumunshifwa na maka ayengi. Abasambi ba kwa Yesu balimumwene ilyo aleya ku muulu.
Lesa abuushishe Yesu no kumulenga aba Imfumu ya Bufumu bwa kwa Lesa. Daniele 7:13, 14
Pa kuti Yesu alubule abantu, aipeele umwine nge cilubula. (Mateo 20:28) Pa mulandu wa ici cilubula, Lesa alilenga twaba ne subilo lya kwikala umuyayaya.
Yehova asontele Yesu ukuba Imfumu ya kuteka isonde. Abantu ba cishinka ababuuka no kuya ku muulu ababa impendwa 144,000 e bakalateka pamo nankwe. Yesu pamo na ba 144,000 e bapanga ubuteko bwa ku muulu ubwalungama, e kutila Ubufumu bwa kwa Lesa.—Ukusokolola 14:1-3.
Ubufumu bwa kwa Lesa bukaalula isonde ukuba paradaise. Inkondo, ukucita ifyabipa, ubupiina, ne nsala tafyakabeko. Abantu bakaba ne nsansa icine cine.—Amalumbo 145:16.
Nalimo Kuti Mwatemwako ne fi
AMASAMBILISHO YA MU BAIBO AYACINDAMA
Mulandu Nshi Yesu Afwilile?
Ifyo Baibolo ilanda filanga ukuti imfwa ya kwa Yesu yalicindama sana. Bushe ca cine imfwa yakwe yalicindama?
ICIBUKISHO
Muleibukisha Imfwa ya kwa Yesu
Tulemwita ku kulongana ukwacindama nga nshi, pali uku kulongana tukalaibukisha imfwa ya kwa Yesu. Mukesasambilila ifyo ubumi bwa kwa Yesu ne mfwa yakwe fingamunonsha.
IFITABO NA MABROSHUWA
Bushe Cine Cine Abafwa Kuti Baba aba Mweo na Kabili?
Bushe mwalifwilwapo lupwa lwenu? Ifyo Lesa akacitila abantu ifyo Baibolo ilandapo kuti fyamusansamusha.
