ḆAR ḆEḆE 8
Marmar Yesus Byedi Rosai Fainda Ya Faro Au?
Yesus imar insama kosmai kankenem. Yohanes 3:16
Rofyor Yesus imar ro ras rikyor ramnai, bin ḇeḇeso srama be kubir byeja ma smam na mboi ḇyebe. Yahwe byawes Yesus I ro marmar ya kwar.
Ramnai ro ras oser fyasnai mankundi be manfamyan byesi.
Kaku beri, Yahwe byawes Yesus be mankun rur befo kuker papoik ma ismai marmar ba. Manfamyan byesi smam dek be nanki.
Allah byawes Yesus ma byuk nasan be I fa bye Raja ro Karajan Allah. Daniel 7:13, 14
Marmar Yesus byedi byukbak fasaspar faro snokaku sya kam. (Matius 20:28) Kuker fasaspar ani, Allah byuk nyan faro ko fa kokenem fioro-fioro.
Yahwe ryem Yesus be Raja fa byepoik supswan ine. Nari Yesus byepoik ro nanki kuker snonkaku ri 144.000 besouser sya, siso beknam ro supswan mboi rofyor simar sikbawes ma sikenem ro nanki. Ḇaḇesasoser sena sap na be Karajan Allah.—Fasasna Faro Yohanes 14:1-3.
Karajan Allah na fyadwer supswan ine be firdaus. Mamamun, ḇaḇeḇarḇor, sabarar, ma basbiser ya na nasyaba. Nari snonkaku sya sismai kaku aski ya.—Mazmur 145:16.
Wamarisen Ido Mam Ine Kako
ESSENTIAL BIBLE TEACHINGS
Rosai Ḇefnai fa Yesus Imar?
Refo fyasnaibos Yesus marmar ḇyedi ḇyefandun kaku. Inja fandun ya isya ro marmar ḇyedine ke?
SWARAPEPEN
Swarapepen Yesus Marmar Ḇyedi
Nkomarisen nkor Au fa wakso kuker inko ro munara ḇepyum ḇefandun kaku ine. Nari wafawi rariso Yesus kankenem ma marmar ḇyeja nun fainda faro Au.
SYAP ḆEBA & BROSUR
Snonkaku Ḇemar Sya Na Sikenem Wer Ke?
Snonkaku waswar kaku ono sisya simar ke? Asas ḇero Refo ine na ḇyuk sneprei ḇe Au.
