ABỌ 8
De Ere Ne U Khian Miẹn Vbe Uwu Ọghe Jesu?
Te Jesu wu ne ima mieke na gha rrọọ. Jọn 3:16
Vbe ọ ghi rre ikpẹdẹ eha ne Jesu wu, ikhuo eso na gha rrie eke na ree Jesu yi, iran ghi sẹ evba, iran ma miẹn ikun e Jesu. E Jehova huẹn ọnrẹn kpaegbe nẹ.
Vbe ọ ghi zẹ kpẹẹ, e Jesu na do rhiegbe ma avbe ukọ ọghẹe.
E Jehova keghi huẹn Jesu kpaegbe, ọ na yae khian ọmọ orhiọn nọ mwẹ ẹtin kevbe nọ mwẹ arrọọ nẹi sẹtin wu. Jesu keghi sirra erhuanegbe ẹre kpa gha rrie ẹrinmwi.
Osanobua keghi huẹn e Jesu kpaegbe, ọ na ma re Ọba ọghe Arriọba Osanobua. Daniẹl 7:13, 14
Jesu keghi ya arrọọ ọghẹe dẹ emwa nagbọn werriegbe. (Matiu 20:28) Ne Osanobua na loo e Jesu ya dẹ ima werriegbe, ẹre ọ zẹ ighẹ ima mwẹ ayayẹro ọghe arrọọ etẹbitẹ.
E Jehova keghi zẹ Jesu nọ gha re Ọba nọ khian kha yan uhunmwu otagbọn na. Orhunmwu 144,000 ni khian rhiọkpaegbe vbe uhunmwu otagbọn na gha rrie ẹrinmwi, ni vbe da imudiase ọghe iran yi, ẹre ọ khian deba e Jesu kha. Jesu kevbe orhunmwu 144,000 ẹre ọ khian gha kha vbe arriọba nọ rre ẹrinmwi—ọna ọre Arriọba Osanobua.—Arhie Maan 14:1-3.
Arriọba Osanobua gha ya uhunmwu otagbọn na hia khian e paradais. Ai khian ghi gha miẹn okuo, uyinmwẹ ọkhọ, ogue kevbe ohanmwẹ. Emwa ghi do gha mwẹ oghọghọ nọ sẹ otọ ẹko.—Psalm 145:16.
You May Also Like
ESSENTIAL BIBLE TEACHINGS
Vbọzẹe Ne Jesu Na Wu?
E Baibol gi ima rẹn wẹẹ, uwu ọghe Jesu wa gele ru ekpataki. Uwu ọghẹe mwẹ esa nọ ye ra?
UGIE AYERE
Yee Uwu Ọghe Jesu Rre
Ma ya ọghọghọ gie na tie ruẹ ne u do deba ima do ugie ne kpataki na. Vbe ọta na khian ya guan, u gha do ruẹ vbene u khian ya miẹn ere hẹ vbe arrọọ kevbe uwu ọghe Jesu.
AVBE EBE ẸMU KEVBE EBE UGHUGHAN
Emwa Ni Wulo Nẹ Gha Gele Werriegbe Do Gha Rrọọ Ra?
Ọmwa ne u hoẹmwẹ ọnrẹn he uwu ẹdẹ ra? Eyan nọ fuẹko rre nọ rre uwe Baibol gha sẹtin ru iyobọ nuẹ.
