PERAJ 8
¿Achkë rma xkäm Jesús?
Jesús xkäm rchë röj nqkowin nqïl ri kʼaslemal ri majun bʼëy xtkʼis ta (Juan 3:16).
Taq qʼaxnäq chik oxiʼ qʼij kamnäq Jesús, jojun ixoqiʼ xebʼä akuchï xbʼemuq wä qa. Ye kʼa majun xbʼekilaʼ ta, rma Jehová xkʼasoj yän äl.
Chrij riʼ, Jesús xkʼüt riʼ chkiwäch ri apóstoles.
Taq xkʼasöx pä, ryä ma xyaʼöx ta chik jun ruchʼakul achiʼel kichʼakul ri winäq. Dios xuʼän chik jmul espíritu che rä, achiʼel ri ángeles. Ri rutzeqelbʼëy xkitzʼët äl taq xbʼä äl chkaj. Komä, ryä jun espíritu ri janina ruchqʼaʼ chqä majun bʼëy chik xtkäm.
Dios xkʼasoj Jesús chkikojöl ri kamnaqiʼ chqä xuʼän qʼatöy tzij che rä chpan ri Ruqʼatbʼäl Tzij (Daniel 7:13, 14).
Jesús xkäm pa qawiʼ röj rchë xqrköl chwäch ri mak chqä ri kamïk (Mateo 20:28). Rma riʼ, Dios nuyaʼ qʼij chqë rchë nqïl jun kʼaslemal ri ma xtkʼis ta chik.
Jehová xchaʼ Jesús rchë nuqʼät tzij pa ruwiʼ le Ruwachʼulew. Chqä xeruchaʼ ye 144,000 winäq rchë nkiqʼät tzij rkʼë Jesús. Ri winäq riʼ xkebʼä chlaʼ chkaj taq xkekʼasöx äl chwäch le Ruwachʼulew. Ri qʼatbʼäl tzij riʼ nbʼix ri Ruqʼatbʼäl Tzij Dios che rä (Apocalipsis 14:1-3).
Ri Qʼatbʼäl Tzij riʼ xtuʼän jun kotzʼijaläj ulew che rä le Ruwachʼulew. Ma xtjeʼ ta chik chʼaʼoj, mebʼaʼïl, wayjal o winäq ri yebʼanö itzelal. Ri winäq kan kiʼ kikʼuʼx xtkiʼän (Salmo 145:16).
Rkʼë jbʼaʼ nawajoʼ natzʼët chqä reʼ
NAʼOJ RI NUKʼÜT LE BIBLIA RI KAN KʼO KEJQALEN
¿Achkë rma xkäm Jesús?
Rkʼë jbʼaʼ akʼoxan chë Jesús xyaʼ rukʼaslemal pa qawiʼ röj. Ye kʼa ¿achkë rma nqaʼij chë kan pa millón winäq nkïl utzil rma rukamik?
RUNATAXIK RUKAMIK JESÚS
Tqanataj rukamik Jesús
Röj nqajoʼ chë rït yajeʼ qkʼë rchë nqanataj rukamik Jesús kan achiʼel xuʼij qa ryä. Chpan re moloj reʼ, rït xtatamaj achkë utzil nukʼäm pä pan awiʼ ri rukamik Jesús.
JALAJÖJ TAQ WUJ
¿Kʼo komä jun qʼij xkekʼastäj pä ri kamnaqiʼ?
¿Ye kʼo awachʼalal ye kamnäq äl? We ke riʼ, kan xtkʼuqbʼaʼ akʼuʼx ri utziläj rutzjol ri nuyaʼ le Biblia.
