Oruwa kuriʼcha Jesas rombïʼpïo paʼpopo, amukonïmbo worïiangon umunʼwa tïtoʼma mandon, charïʼpïapai te iʼyainie topoye ma. Jehobaʼwa kombaijo Jesas tawongapa jombïʼpïo weinio ma.

Aijenasen pòre te, Jesas tïwòsenepoʼmapo tïpïòʼchòrïkonïmboʼwa ma.

Taʼroro, Jehobaʼwa tawongapa Jesas wèíʼpio ma emamïrïʼwa amu pòripiïn neròten jombïpïn, ònèpïn me. Jesus pòʼchòrïkonʼwa tònepa eropa ma ichòrïpïa kapu taka.

Jesasʼwa tomamïrïmbo tïyepa ma kariʼnia wotanïʼmaʼpo epètï me. (Matthew 20:28) Moro opemaʼpopa patoro te, Opoto Papa oronome komamïrïkon epopoamba.

Jehobaʼwa Jesas tïnonda yopotome ma, ènï nono epo yopotomatòʼme. Miaro kïneian 144,000 nono weinio anumïʼmasan oʼkaʼnon kariʼniakon. Tïrombïsan weinio tawongarïkon epoaton omanoʼwa kapu ta. Jesas maro jòke moʼkaron 144,000, moro juʼpïn pane ròten kapu tano yopotomarï tanokon me mandon, moro Opoto Papa Niyopotomarï.​—Revelation 14:1-3.

Opoto Papa Niyopotomarï amu poʼcho shèrï wèʼchopo me ènï nono èkïrïamba. Woónokon, yaame weiniokon, woʼchotaʼmanokon, kumïnokon eropa uwaro ambòre kïneiamba. Ijombote taʼroro towaʼpòre kariʼniakon kïneiatomba.​—Psalm 145:16.