Txienge 8
Lifo la Jesu li womba txani kwako?
Jesu a fete athu kasiku hi mana wutomi wombi guma. Johane 3:16
Msana ka masiku a mararu Jesu a di fite, va vasikati vamwani va yite ha diyivani va ya mana to i ti di phanga. Jehovha a ti mwusile.
Ngu ku tsimbila ka mbimo Jesu a wonekile ka vapostoli vakwe.
Jehovha a wusile Jesu i di txivangwa txa moya txa mtamo, txo mba fa. Vagondiswa va Jesu va mu woni a txi kwela aya nzumani.
Jehovha a wusile Jesu e mveka to e va Mfumeli wa Mfumo wa Txizimu. Dhaniele 7:13, 14
Jesu a ningete wutomi wakwe kasiku a terula vathu. (Matewu 20:28) Ngu ku thumisa m’terulo wonewo, Txizimu txi mahile ti to ti koteka ku hi mana wutomi wombi guma.
Jehovha a sawute Jesu kota Mfumeli wa mafu. A na fuma ni vathu va 144.000 vo thembeka a va va no wuswa to ve ya hanya nzumani. Jesu ni va va 144.000 va maha wukoma wa txitimwi nzumani wo lulama—Mfumo wa Txizimu.—Mtuletelo 14:1-3.
Mfumo wa Txizimu wu na hundula mafu ma va paradhise. Tiyimbi, wughevenga, wusiwana ni nzala si na guma. Vathu va na va ni litsako la ditshuri.—Masalmo 145:16.
Ti nga maha si kutsakisa
TIGONDO TA LISIMA TA MU KA BHIBLIA
Ngu kutxani Jesu a di fite?
Ti nga maha u pfa to ene a fete sionho sathu. Kambe ina ngu ditshuri mtirulo wa wumwewo wu nga vhuna timiliyoni ta vathu?
TXIALAKANYISO
Khumbula lifo la Jesu
Ha kuramba ti to u ta maneka ka txialakanyiso txo khumbula lifo la Jesu, txona txi mahwa ngu nzila yi a nga leletisa tona. U na tshumela u ta wona to lifo lakwe li nga kuvhunisa kutxani ka wutomi wako.
MABHUKU NI MABROXURA
Vafi va nga tshumela ve hanya kambe?
Ina u mwalaletwe ngu m’thu wu u mdhundako? Themba yi i ku txitsaniso txa mu ka Bhiblia yi nga kuvhuna.
