YOTAANTSI 8
¿Paita ikamantakari Jesoshi?
Ikamimentajeitakee Jesoshi añantyari ankantaitatiyempani (1 Joa 4:10).
Ikamantakari Jesoshi, abisanake maba kitaiteri, aparopee tsinane areetapaaka tijariki, iro kantaincha te añeriji Jesoshi, tempa Tasorentsi Yioba yoitinaajiri itomi.
Impoiji inijaakariri Jesoshi iroamerepee.
Yora itsipamintsarepee yamenajeitakeri Jesoshi yobankantanaja inkiteki, ipeanaja inampire Tasorentsi. Meeka Jesoshi isaiki inkiteki, irinti shintsitasanotatsiri, eiro ikamajitsi.
Tasorentsi yoitinaajiri Jesoshi aisati ikoyeakeri impinkatsaribentantyari (Irantayeteri Jesoquirishito 11:15).
Ikamimentajeitakee Jesoshi, eiro ajokitantajatsi aisati eiro akamajitsi (Mateo 20:28). Irootake añantyari ankantaitatiyempani.
Yioba ikoyeakeri Jesoshi aisati atiri kemisantajeitatsiri okarati 144.000 irijatantyarori inkiteki impinkatsaribentajeiteri maaroni saikatsine kipatsiki, irointi Ipinkatsaritantari Tasorentsi (Irantayeteri Jesoquirishito 14:1-3).
Ariorika impinkatsaribenteri Jesoshi atiripee, iroanenkasanotajero kipatsi, eiro otimitsi tashetsi, obayeritaantsi, aisati ashinonkaantsi. Inkimoshirejeitanakea yora kemisantatsiri (Salmos 145:16).
Onimotempirika oka
OBAMETAANTSI KAMEETSAYETATSIRI BIBIRIAKI
¿Paita ikamantakari Jesoshi?
Timatsirika piyotakero ikamimentajeitakee Jesoshi, pisampityarika, ¿irimaterompa aparoni shirampari irobabisakojeiteri osheki atiripee?
ANKENKESHIRERO IKAMANTAKARI JESOSHI
Ankenkeshireajero ikamantakari Jesoshi
Nokoasanojeiti pinkarajeitena oka kitaiteri kameetsaperotatsiri, piyotantyarori jaoka onkantyari amitakotempiri yantakeri Jesoshi aisati ikamantakari.
SANKENARENTSIPEE
¿Arimpa intinaanaje kamayetaintsiri?
¿Ikamakempa pishaninkasanori? Okantasanotakeri Bibiria obeshireakayempi.
