Baka a di fu dii dei di Yesesi be dede, neen wan tu uman go na a geebi olo pe den be beli en. Ma na a soso siton olo den go si na ape. A Yehofa be weki Yesesi kon a libi baka di a be dede.

Bakaten Yesesi soi en seefi a den apostoli fi en.

Fu tuu, a Yehofa be weki Yesesi kon a libi baka. A meke a toon wan makiti yeye di á poi dede moo. Wan tu sama di be gwenti de ala yuu anga en, dati a den disipelli fi en, a den si fa Yesesi be e opo sii go a tapu anda.

Yesesi gi a libi fi en enke wan paiman fu fii libisama (Mateyesi 20:28). A fu a paiman de ede, meke Gadu paamisi sama a libi fu tego.

Yehofa taki a Yesesi o tii enke Kownu fu a goontapu ya. Ma néen wawan o tii oo, 144.000 sama o opo komoto fu a goontapu ya fu go libi a tapu anda. A Yesesi anga den 144.000 sama o tii a tapu anda, aini a Kownukondee fu Gadu.​—Openbaring 14:1-3.

Na a Kownukondee fu Gadu de o meke a goontapu ya toon wan paladeisi. Den sani enke oloku, ogii di sama e du, pina anga nyanyan angii na o de moo. Na soso piisii sama o go e piisii.​—Pisalon 145:16.