DONGO 8
Ońol’a nje kwed’a Yesu ńeno̱ wa mweńa e?
Yesu a wedi nde ná di we̱le̱ be̱ longe̱. Yohane 3:16
Mińa milalo ombusa kwed’a Yesu, bito bō̱ ba pe̱pe̱le̱ so̱ngo̱ ao ba bomane̱ ná ńe ewolo. Yehova a ta a mápumbwe̱le̱ Yesu.
Yesu a busedi bokwedi bao ombusa ponda.
E, Yehova a pumbwe̱le̱ Yesu ka ange̱l a ngińa ni si mawo̱. Bokwedi ba Yesu be̱n mo̱ a mala o mo̱ń.
Daniel 7:13, 14
Loba a pumbwe̱le̱ Yesu a tese̱ mo̱ Kiṅ’a Janea la Loba.Yesu a boli longe̱ lao o sawa diko̱ti ońol’a mbel’a moto. (Mateo 20:28) Tongwea na di diko̱ti, Loba a mabola ná di we̱le̱ be̱ longe̱ o bwindea.
Yehova a tese̱ Yesu Kiṅe̱ o janea wase. 144 000 la bato ba jemea bena ba pumbwabe̱le̱ o wase o be̱ longe̱ o mo̱ń, ba me̱nde̱ be̱ na mo̱. Yesu na ye 144 000 nde ba longi janea la mo̱ń di te̱m na sim—Janea la Loba.—Bebīsedi 14:1-3.
Janea la Loba di me̱nde̱ timbise̱le̱ wase paradisi. Bila, bula la mbenda, tue na njai ba si me̱nde̱ pe̱ be̱. Bato ba me̱nde̱ be̱ bonam na mbale̱.—Myenge 145:16.