YƆRƆ 8NAN
Yezu ka saya kɔrɔ ye mun ye ele fɛ?
Yezu sara walisa an ka se ka ɲɛnamaya sɔrɔ. Zan 3:16
Tile saba Yezu sanin kɔ, muso dɔw tagara a ka kaburu filɛ ani k’a ye ko a lakolon lo. Jehova tun ye Yezu lakunu ka bɔ saya la.
O kɔ, Yezu y’a yɛrɛ yira a ka cidenw na.
Tiɲɛn na, Jehova tun ye Yezu lakunu k’a kɛ mɛlɛkɛ barikaman ye min tɛ se ka sa tugun. Yezu ka cidenw y’a tagatɔ ye sankolo la.
Ala ye Yezu lakunu, ani a y’a kɛ Masacɛ ye Ala ka Masaya kun na. Daniyɛli 7:13, 14
Yezu y’a niin di k’a kɛ adamadenw niin kunmabɔsara ye (Matiyo 20:28). O kunmabɔsara sababu la, Ala y’a kɛ an be se ka to niin na fɔɔ abada.
Jehova ye Yezu kɛ Masacɛ ye walisa a ka dugukolo kuru bɛɛ mara. Mɔgɔ kantigiman 144 000 bena kɛ n’a ye. O mɔgɔw lakununa ka bɔ dugukolo kan ka taga sankolo la. Yezu n’o mɔgɔ 144 000 lajɛnnin lo ye sankolola gofɛrɛnɛman tilennin ye: Ala ka Masaya.—Yirali 14:1-3.
Ala ka Masaya bena dugukolo kɛ alijɛnɛ ye. Kɛlɛ, kojugukɛ, fantanya ani kɔngɔ tɛna kɛ yen tugun. Mɔgɔw bena kɛ hɛɛrɛ la tiɲɛn tiɲɛn na.—Zaburuw 145:16.
Découvrez aussi…
BIBULU KA KALAN JƆNJƆNW
Mun na Yezu sara?
Bibulu kɔnɔ Yezu ka saya kɔrɔtanin lo kosɔbɛ. A sara kuun juman lo kama?
HAKILIJIGI LAJƐN
I hakili to Yezu saya koo la
An b’i jija, i ka na fara an kan o kooba la. I bena a faamu Yezu ka ɲɛnamaya n’a ka saya be se k’i nafa cogo min na.
GAFEW NI KITABUNINW
Suuw be se ka kunu tiɲɛn tiɲɛn na wa?
I ka mɔgɔ sɔbɛ dɔ sara wa? Bibulu be min fɔ sukununi koo la, o be se k’i dusu saalo.
