LESONI 8
E Yaga Vakacava Vei Iko na Nona Mate o Jisu?
A mate o Jisu me rawa nida bula. Joni 3:16
Oti e tolu na siga na nona mate o Jisu, era gole ina nona ibulubulu eso na yalewa ra qai raica ni sa lala tu. Sa vakaturi Jisu mai na mate o Jiova.
Ena dua na gauna e muri, a rairai o Jisu vei ratou na nona yapositolo.
O Jiova sa vakaturi Jisu me kabula vakayalo kaukaua, ena sega tale ni mate. Eratou raica na tisaipeli i Jisu na nona lako cake i lomalagi.
Na Kalou a vakaturi Jisu me Tui ni Matanitu ni Kalou. Taniela 7:13, 14
A solia na nona bula o Jisu me keda ivoli na kawatamata. (Maciu 20:28) E vakarautaka na Kalou na ivoli qori meda rawata kina na bula tawamudu.
O Jiova e lesi Jisu me Tui ena lewa na vuravura taucoko. Era na lewa vata kei koya e le 144,000 na tamata yalodina era vakaturi mai vuravura mera lai bula i lomalagi. O Jisu kei ira na le 144,000 era na veiliutaki mai lomalagi ena Matanitu ni Kalou.—Vakatakila 14:1-3.
Ena vukici vuravura me parataisi na Matanitu ni Kalou. Ena oti na ivalu, basulawa, dravudravua, kei na waloloi. Sa na qai vakilai na marau dina.—Same 145:16.
Rawa ni o Wilika Tale ga
ESSENTIAL BIBLE TEACHINGS
Na Cava a Mate Kina o Jisu?
E raica vakabibi na iVolatabu na mate i Jisu. Vakacava, e tiko na inaki ni nona mate?
IVAKANANUMI
Vakananuma na Mate i Jisu
Keimami sureti kemuni moni tomani keimami ena soqo bibi qo. O na vulica kina na yaga ni bula i Jisu kei na nona mate ena vukumu.
IVOLA & BROCHURE
Era na Bula Tale na Mate?
Sa takali beka e dua na wekamu lomani? Ena vakacegui iko na yalayala ena iVolatabu.
