Sili aso e tolu mei le mate o Sesu, ko ’iki fafine na lotou fano o fakatele ki lona faitoka, ti na lotou ma’ua atu na lāvaki. Na kua fakatu’uake e Seova a Sesu mei le mate.

Ki muli mai, na ’ea a Sesu ki ana kau apositolo.

Na kua fakatu’uake e Seova a Sesu ke liliu ko se laumālie tuputupua ti mo makeke. Ti na tio ana tisipulo ki lana pale leia ki le lagi.

 Na tītu’a a Sesu ki lona ma’uli ke ’aga a ia o totogi a le mālama-nei. (Mateo 20:28) Aki lenā le totogi, na mafai ai ke soli mai e le ’Atua kia tātou a le ma’uli le’egato.

Na fakanofo e Seova a Sesu ke Sau ki le kele kātoa. E fakatasi loa mo ia a le tino 144 000 tagata mo fafine agatonu kua fakatu’uake lātou ke lotou ma’uli i le lagi. E fa’ufa’u e Sesu mo le tino 144 000 a se pule’aga faitotonu i le lagi—ko le Pule’aga o le ’Atua.—Apokalipisi 14:1-3.

E ’aga loa a le Pule’aga o le ’Atua o fakaliliu a le kele ko se palatiso. Ko tau, mo tukipō, mo le ma’uli mativa, ti mo le pakupaku e le’aise tou toe tio loa kiai. E fiafia mā’oki loa a le kakai.—Pesalemo 145:16.