FÃ 8
Mɛɛ Gbɛ Nɔ Onáa Yesu Gbele Lɛ He Sɛɛ?
Yesu gbo koni wɔná wala. Yohane 3:16
Yesu gbele lɛ sɛɛ gbii etɛ lɛ, yei komɛi tee Yesu bu lɛ he, ni amɛyana akɛ bu lɛ kã efolo. Yehowa etee Yesu shi kɛjɛ gbohii ateŋ.
Sɛɛ mli lɛ, Yesu jie ehe kpo etsɔɔ ebɔfoi lɛ.
Yehowa tee Yesu shi kɛ gbɔmɔtso ni ŋwɛibɔfoi lɛ yɔɔ lɛ eko, ni no lɛ, hiŋmɛii enaaa. Shi Yesu kaselɔi lɛ na lɛ be ni eyaa ŋwɛi lɛ.
Nyɔŋmɔ tee Yesu shi, ni ewó lɛ Nyɔŋmɔ Maŋtsɛyeli lɛ nɔ Maŋtsɛ. Daniel 7:13, 14
Nyɔŋmɔ hã Yesu kɛ ewala shã afɔle kɛkpɔ̃ adesai. (Mateo 20:28) Kpɔmɔnɔ nɛɛ hewɔ lɛ, wɔbaanyɛ wɔhi shi kɛya naanɔ.
Yehowa ewó Yesu Maŋtsɛ koni eye shikpɔŋ lɛ nɔ. Adesai anɔkwafoi 144,000 baafata ehe kɛye nɔ. Kɛ́ anɔkwafoi nɛɛ gboi ni atee amɛ shi lɛ, amɛbaaya ŋwɛi. Yesu kɛ mɛi 144,000 lɛ ni feɔ Nyɔŋmɔ Maŋtsɛyeli lɛ. Nɔyeli nɛɛ baaye nɔ kɛjɛ ŋwɛi, ni ebaaye jalɛsane.—Kpojiemɔ 14:1-3.
Nyɔŋmɔ Maŋtsɛyeli lɛ baahã shikpɔŋ lɛ atsɔ paradeiso. Ta, awuiyeli, ohia, kɛ hɔmɔ sɛɛ baafo. Wɔmii baashɛ wɔhe diɛŋtsɛ.—Lala 145:16.
Ekolɛ Obaasumɔ Enɛ Hu
ESSENTIAL BIBLE TEACHINGS
Mɛni Hewɔ Yesu Gbo?
Ekolɛ, onu pɛŋ akɛ egbo yɛ wɔhe eshai lɛ ahewɔ. Shi ani mɛi akpekpei abɔ baanyɛ aná afɔle kome he sɛɛ?
KAIMƆ LƐ
Nyɛkaia Yesu Gbele Lɛ
Wɔkɛ miishɛɛ miifɔ bo nine koni obafata wɔhe kɛye gbi jurɔ ni he hiaa waa nɛɛ. Obaale bɔ ni Yesu shihilɛ kɛ egbele lɛ he baaba sɛɛnamɔ kɛhã bo.
WOJI SRƆTOI
Ani Gbohii Lɛ Baanyɛ Ahi Shi Ekoŋŋ Lɛɛlɛŋ?
Ani owekunyo ko loo onaanyo ko ni osumɔɔ lɛ waa egbo? Shiwoo ko ni yɔɔ Biblia lɛ mli lɛ baanyɛ ashɛje omii ni onyɛ okpee shihilɛ lɛ naa.
