8èm PATI
Ka mò a Jézi ka pòté ban nou ?
Jézi mò pou nou pé sa viv pou touttan. Jean 3:16
Twa jou apré Jézi mò, tin dé madanm ki konstaté kavo a-y té vid. Jéova té résisité-y.
Aprésa, Jézi parèt douvan zanmi a-y, sé zapòt-la.
Asiré pa pétèt, Jéova woufè Jézi vin on zanj puisan. Alè, i pé pa mò ankò. Moun ki té kouté Jézi, disip a-y, vwè-y monté an syèl.
Bondyé résisité Jézi é I mété-y Wa an tèt a Wayòm-la. Daniel 7:13, 14
Pou woté limanité anba jouk a lanmò, Jézi péyé on ranson : i bay vi a-y (Matthieu 20:28). Si Bondyé pa té prévwa laranson, nou pa té ké jen pé viv pou touttan.
Jéova mèt Jézi Wa an syèl-la pou dirijé toutlatè. I pé ké tousèl. 144 mil moun fidèl ka jwenn Jézi lè yo résisité. Gouvèlman-lasa jis : sé Wayòm a Bondyé (Révélation 14:1-3).
Wayòm a Bondyé ké fè latè vin on paradi. Pé ké ni lagè. Moun pé ké tchouyé moun ankò. Pé ké ni moun maléré. Moun pé ké mò fen ankò. Toutmoun ké adoumanman (Psaume 145:16).
Ay gadé sa osi...
ESSENTIAL BIBLE TEACHINGS
Poukwa Jézi mò ?
Pétèt ou ja tann moun di kè i mò pou péché an nou. Men ès onsèl sakrifis té’é pé vréman sèvi pou milyon é milyon moun ?
MÉMORYAL
Pou sonjé Jézi é sakrifis a-y
Nou té ké kontan toubòlman si ou té ka vin sélébré évènman enpòwtan-lasa èvè nou. Ou ké dékouvè tousa vi a Jézi é tousa mò a-y osi pé pòté dè bon ba-w.
LIV É BWOCHI
Ès on jou moun-mò ké wouviv ?
Ès ou pèd on moun ou té enmé onlo ? Ni on bèl èspérans an Bib-la ki ké pé konsolé-w.
