PATI 8
Poutji lanmò Jézi enpòtan ?
Jézi mò pou nou pé viv (Jan 3:16).
Twa jou apwé lanmò Jézi, pliziè fanm wè tonbo’y la vid. Jéova té viré ba’y lavi.
Apwé sa, Jézi fè zanmi’y, sé apot-la wè’y.
Pou toulbon, Jéova fè Jézi viré vini an zanj puisan ki pé ké jenmen mò. Sé moun-an ki té kouté Jézi-a (sé disip li-a) wè’y monté an siel-la.
Bondié viré ba Jézi lavi épi I fè’y vini Wa wayom li-an (Dannièl 7:13, 14).
Lè Jézi ba lavi’y, i péyé ranson-an pou lé-zòm chapé anba lanmò (Matié 20:28). Sé pa manniè tala Bondié ka ba nou lokazion viv pou toujou.
Jéova fè Jézi Wa anlè tout latè-a. 144000 moun (nonm épi fanm) fidel kay viv an siel apwé lanmò yo. Épi Jézi yo kay fòmé an gouvelman jis an siel-la : wayom Bondié (Révélasion 14:1-3).
Wayom Bondié-a kay fè latè vini an paradi, sa lé di an bel jaden. Ladjè kay fini, pé ké ni kriminel, moun pé ké mò fen ankò. Tout moun kay kontan (Sòm 145:16).
Tibren plis ankò
ESSENTIAL BIBLE TEACHINGS
Poutji Jézikri mò ?
Zot dwé tann i mò pou péché nou. Mé es an sel sakrifis té pé sové milion moun ?
MÉMORIYAL
Pou sonjé sakrifis Jézi
Sé épi anpil plézi zòt envité asisté évènman enpòtan tala épi nou. Zòt kay aprann tou sa lavi épi lanmò Jézi, pé pòté ba zòt.
LIV & BWOCHI
Es moun mò kay riviv an jou ?
Es ou pèd an moun mò kè ou enmen ? Bel pwonmes Labib la ka konsolé’w.
