I ʻekolu lā ma hope o ko Iesū make ʻana, ua kipa aku kekahi mau wāhine i kona hale kupapaʻu, akā ʻaʻohe mea o loko. Ua hoʻāla ʻo Iēhova iā Iesū mai ka make mai.

Ma hope, ua hele ʻo Iesū i kāna mau lunaʻōlelo.

ʻAe, ua hoʻāla hou ʻo Iēhova iā Iesū i ʻuhane ikaika loa i loko o ka lani, ʻaʻole ʻo ia e make hou. Ua ʻike nā haumāna a Iesū iā ia e hoʻi ana i ka lani.

Ua hāʻawi ʻo Iesū i kona ola i Kumu Hoʻōla no kānaka. (Mataio 20:28) Ma o kēlā kumu hoʻōla, ua hāʻawi mai ke Akua iā kākou i ka manaʻolana o ke ola mau loa.

Ua hoʻoaliʻi ʻo Iēhova iā Iesū ma luna o ka honua. Me ia ka poʻe kūpaʻa he 144,000 i hoʻāla hou ʻia mai ka honua a i ka lani. ʻO Iesū a me ka poʻe he 144,000 nā aliʻi i loko o ke Aupuni o ke Akua i loko o ka lani, he aupuni pono.—Hōʻike ʻana 14:1-3.

E hoʻololi ana ke Aupuni o ke Akua i ka honua i paradaiso. E pau ana ke kaua, ke kalaima, ka ʻilihune, a me ka pōloli. E hauʻoli maoli ana nō ka poʻe.—Halelū 145:16.