NTU 8
Yexus Txojkev Tuag Pab Tau Koj Li Cas?
Yexus tuag kom peb thiaj tau txojsia. Yauhas 3:16
Tom qab Yexus tuag tau peb hnub, muaj ib co pojniam mus saib Yexus lub ntxa, tiamsis tsis pom nws lub cev lawm. Yehauvas twb tsa Yexus ciaj sawv rov los lawm.
Tom qab ntawd, Yexus los tshwm rau nws cov tubtxib pom.
Yehauvas tau tsa Yexus ciaj sawv rov los ua ib tug plig muaj hwjchim heev. Yexus cov thwjtim pom Yexus mus saum ntuj lawm.
Vajtswv tsa Yexus ciaj rov los thiab muab lub Nceeg Vaj rau Yexus kav. Daniyee 7:13, 14
Yexus muab nws txojsia los txhiv noob neej. (Mathai 20:28) Vim muaj tus nqe txhiv ntawd, Vajtswv thiaj qheb kev rau peb los txais yuav txojsia ntev dhawv mus ib txhis.
Yehauvas tsa Yexus ua tus Vajntxwv kav tag nrho lub ntiajteb. Vajtswv yuav tsa 144,000 leej hauv ntiajteb no ciaj sawv rov los muaj txojsia nyob saum ntuj nrog Yexus. Yexus thiab cov 144,000 leej yuav kav lub tseem fwv saum ntuj uas yog Vajtswv lub Nceeg Vaj.
Vajtswv lub Nceeg Vaj yuav muab lub ntiajteb no kho ua ib lub vaj kaj siab. Yuav tsis muaj kev tsov kev rog, kev tub sab tub nyiag, kev txom nyem, thiab kev tshaib nqhis ntxiv li lawm. Tibneeg yuav muaj kev zoo siab tiag.
Tej Yam No Yuav Pab Tau Koj Thiab
ESSENTIAL BIBLE TEACHINGS
Vim Li Cas Yexus Thiaj Tuag?
Tej zaum koj twb hnov lawm tias nws pub nws txojsia ua nqe txhiv neeg coob coob. Ua li, ib tug neeg xwb puas txhiv tau qas txhiab qas vam leej neeg?
PHAU VAJLUGKUB—TXOJ XOV YOG DABTSI?
Yexus Khetos Raug Tua
Yexus tau tsa txoj kevcai tshiab twg ua ntej nws raug ntxeev siab thiab ntsia saum tus ncej ntoo?
UA KEVCAI NCO TXOG YEXUS
Ua Kevcai Nco Txog Yexus Txojkev Tuag
Txhua txhua xyoo Yehauvas Cov Timkhawv yeej ua kevcai nco txog Yexus txojkev tuag li nws tau hais tseg. Koj yuav nkag siab seb Yexus txojkev tuag muaj nqes npaum li cas rau koj.
NTAUB NTAWV LOJ THIAB ME
Cov Tuag Puas Yuav Sawv Tau Rov Los Ua Neej Nyob Tiag?
Yog tias yus tsev neeg ib tug lossis yus tus phoojywg, tau tas sim neej lawm, phau Vajlugkub tej lus cog tseg yuav nplig tau yus lub siab.
