ORUPA 8
Onḓiro yaJesus mai hee tjike kove?
Jesus wa ṱa kutja eṱe tu kare nomuinyo. Johanes 3:16
Omayuva yetatu kombunda yonḓiro yaJesus, ovakazendu tjiva va ya keyendo re nave ke ri vaza ari ri tjo. Jehova we mu pendura movakoke.
Jesus kombunda we rimunikisa kovaapostele ve.
Ii, Jehova wa pendura Jesus otja omundu wombepo omunamasa. Ovahongewa vaJesus ve mu muna ama rondo keyuru.
Mukuru wa pendura Jesus ne mu ririsa Ombara yOuhona we. Daniel 7:13, 14
Jesus wa yandja omuinyo we u rire otjisuta tjonguturiro kovandu. (Mateus 20:28) Okupitira motjisuta tjonguturiro ho, Mukuru ma tjiti kutja tu yenene okuhupa nga aruhe.
Jehova wa toorora Jesus otjOmbara yokuhonapara kombanda yehi. Puna ye pe novandu ovaṱakame 144 000 mba pendurwa okuza kombanda yehi okukahupa meyuru. Jesus novandu mba 144 000 mave rire orupa rwohoromende yeyuru osemba, oyo ndji ri Ouhona waMukuru.—Omavandururiro 14:1-3.
Ouhona waMukuru mau tjiti kutja ehi ri rire oparadisa. Ovita, nozondjito zotjitandi, nousyona, nondjara kavi nakukara ko rukwao. Ovandu mave kara nondjoroka yatjiri.—Epsalme 145:16.
Mo yenene okutara ku imbi wina
ESSENTIAL BIBLE TEACHINGS
Omena ratjike Jesus tja ṱa?
Ombeibela i ṱuna tjinene kounanḓengu wonḓiro yaJesus. Hapo onḓiro ye i nomaheero?
OMAZEMBURUKIRO
Omazemburukiro wonḓiro yaJesus
Matu ku ṋanga norusuvero kutja u yekuzemburuka eyuva enanḓengu ndi puna eṱe. Mo yekurihonga kutja ehupo raJesus nonḓiro ye mai yenene okukuvatera vi.
OMAMBO NOZOMBROSJURE
Ovaṱi mape ya tjiri ave kara nomuinyo rukwao?
Wa rora okuzepaisa omusuverwa woye? Omakwizikiro wOmbeibela omahuhumiṋe.
