PELAJAR 8
Nama Reti Pemati Jesus ba Nuan?
Jesus mati ngambika kitai ulih idup belama-lama. John 3:16
Tiga hari udah Jesus mati, bisi sekeda bala indu ngabas kubur iya tang kubur nya kusung. Jehovah udah ngangkat Jesus idup baru.
Udah nya, Jesus ngayanka diri ngagai bala rasul iya.
Ya, Jehovah ngangkatka Jesus nyadi melikat bekuasa ti enda ulih mati. Bala rasul Jesus meda iya niki ke serega.
Petara ngangkat Jesus ari pemati lalu milih iya nyadi Raja ba Perintah Petara. Daniel 7:13, 14
Jesus meri nyawa iya kena nebus dosa mensia. (Matthew 20:28) Enggau chara tu, Petara meri kitai peluang idup belama-lama.
Jehovah milih Jesus nyadi Raja merintah serata dunya. Jesus merintah enggau 144,000 iku orang ti taluk ke diangkat ari dunya ke serega. Jesus enggau sida tu deka nirika Perintah Petara di serega. —Pemandang 14:1-3.
Perintah Petara deka ngaga dunya tu nyadi Paradias ti manah. Nadai agi perang, pengawa jai, orang miskin enggau suntuk pemakai. Mensia deka idup enggau senang lantang. —Masmur 145:16.
Nuan Engka Rindu Meda Tu
ESSENTIAL BIBLE TEACHINGS
Nama Kebuah Jesus Mati?
Nuan nemu, iya mati ketegal deka nebus dosa kitai. Tang kati pemati seiku orang amat ulih meri penguntung ngagai bejuta iku nyawa?
NGINGATKA PEMATI JESUS
Ngingatka Pemati Jesus
Kami enggau gaga ati deka mai nuan datai begulai enggau kami ba pengawa ti beguna bendar tu. Nuan deka nemu baka ni pengidup enggau pemati Jesus ulih meri berekat ke nuan.
BUP & BROSUR
Ulih Orang ke Udah Mati Idup Baru?
Nuan bisi orang ke disayau ti udah mati? Janji ba Bup Kudus ulih nulung nuan.
