AYA 8
Itene Nyá nɛ Ikwū ku Ujisɔsi Lɛ Gā Uwɔ A?
Ujisɔsi kwū, o ya ɛɛ ku alɔ lɛ oyeeyi. Ujɔ́ni 3:16
Ɛ̄cī ɔmɛta nɛ Ujisɔsi kwū a, aɔnyā ɛpa wa ɛgiyi unoji ku nu, é má ka ó ta anca. Ujehofa kwu ɔ u heyi ŋma ɔlekwu.
Igbihaajɛ, Ujisɔsi lɛ iyi nu mafu lɛ ayikpo ku nu.
Ujehofa kwu Ujisɔsi u heyi ŋma ɔlekwu kwu ɔ u piya alelekwu nōo lɔfu nɛhi, nɛ ó klla gáā kwū gɛ ŋ. Ayikpo ku Ujisɔsi a má ɔ eko nɛ ó yɔ i gā ɔkpanco a.
Ɔwɔico lɛ Ujisɔsi heyi ŋma ɔlekwu klla kwu ɔ u piya ɔcɛ́ ku Ajɔɔcɛ ku nu. Udánīyɛ̄lu 7:13, 14
Ujisɔsi kwu oyeeyi ku nu u fula alɛɛcɛ. (Umátiyu 20:28) O bu ipu ɛya o gwo nyā, Ɔwɔico lɛ ɔ ya tɔɔtɛ lɛ alɛɛcɛ kéē lā oyeeyi opiyoo.
Ujehofa fu Ujisɔsi kóō wɛ ɔcɛ́ ku oduudu ɛcɛ a. Ācɛ ula ofigwaahata (144,000) nōo lɛyi taajɛ néē gáā heyi ŋma ɔlekwu gā ɔkpanco a gáā yɔ mla Ujisɔsi á. Ujisɔsi mla ācɛ ula ofigwaahata (144,000) nyā gáā cɔcɛ́ ku igɛmɛnti okpaakpa ku ɔkpanco á. É hi igɛmɛnti nyā ka Ajɔɔcɛ ku Ɔwɔico.—Ɔdā néē mafú lɛ Ujɔ́ni 14:1-3.
Ajɔɔcɛ ku Ɔwɔico géē je ɛcɛ a piya uparadais. Ɛfú o kpo, ācɛ o ya ɔdobɔbi mla ɔkpɛta géē mɛ. Ācɛ géē gweeye ɔkwɔɔkwɛyi.—Aíjē Kú Ɛ̄gbā 145:16.
You May Also Like
ESSENTIAL BIBLE TEACHINGS
Ɔdiya Nɛ Ujisɔsi Kwū A?
A jé ŋ, a lɔfu po ka ó kwu ohigbu inoobiya ku alɔ ɛ. Amáŋ, ācɛ alɛwa géē lɛ itene ŋma ikwū ku ɔcɛ ekponu gla?
OBLATU
Blakwu Ikwu ku Ujísɔsi
Mlu ɔtu ogweeye, alɔ huwɔ igwu ka wa ya oblatu o cɛgba nya mɛmla alɔ. A ge nwu ɛgɛ nu oyeeyi mla ikwu ku Ujísɔsi lɔfu tuwɔ abɔ.
AƆKPA MLA ƆKPA NƐŊCƐ́
Ācɛ Nōo Kwū A Géē Yeeyi Gla Kpɔ Ɛɛ?
Ɔcɛ nɛ a yihɔtu nu kwū jeeje ɛɛ? Okonu nɛ Ɔwɔico ce ipu Ubáyíbu géē tu uwɔ ɔtu kwu ɔtu.
